Ստեփանակերտը մեղադրում է Բաքվին հերթական սադրանքներ նախապատրաստելու մեջ

ՍՏԵՓԱՆԱԿԵՐՏ, 31 հոկտեմբերի. /Նովոստի-Արմենիա/. ԼՂՀ պաշտպանության նախարարությունը մեղադրել է Ադրբեջանին հերթական ապատեղեկատվությունը տարածելու համար` կասկածելով հակառակորդին հերթական սադրանքներ նախապատրաստելու մեջ:

«Ադրբեջանական կողմը ոչ միայն շարունակում է լարել իրավիճակն առաջնագծում՝ պարբերաբար խախտելով հրադադարի պահմպան ռեժիմը և դիմելով դիվերսիոն հետախուզական փորձերի, այլև սադրանքների է դիմում տեղեկատվական դաշտում», - նշվում է ԼՂՀ ՊՆ երկուշաբթի հրապարակված հայտարարության մեջ:

Մասնավորապես, հայտարարության մեջ նշվում է, որ Ադրբեջանի պաշտպանության նախարարության տարածած հաղորդագրությունն առ այն, թե իբր երեկ գիշեր հայկական կողմը խախտել է հրադադարը` կիրառելով 60 միլիմետրանոց ականանետեր, ՀԱՆ-17 տիպի նռնականետեր ու խոշոր տրամաչափի գնդացիրներ, իրականությանը չի համապատասխանում: Դա հակառակորդ կողմի հերթական քարոզչական հնարքն է», - ընդգծել են Արցախի ՊՆ-ից:

Գերատոսչությունից նշել են, որ ՊԲ առաջապահ զորամասերը խստորեն հետևում են հրադադարի ռեժիմի պահպանմանը և երբեք նախահարձակի դերում հանդես չեն գալիս: «Նման ապատեղեկատվություն տարածելով` ադրբեջանական կողմը հող է նախապատրաստում հետագա սադրանքների համար», - կարծում են գերատեսչությունում:

Հանգստյան օրերին ղարաբաղա-ադրբեջանական հակամարտ զորքերի շփման գծի հյուսիսային ուղղությամբ` չեզոք գոտում, դիտարկվել են ականազերծում կատարող ադրբեջանական մի խումբ զինծառայողներ, ովքեր ՊԲ առաջապահ զորամասերի կողմից ձեռնարկված գործողությունների արդյունքում հետ են շպրտվել: -0-