ԵՐԵՎԱՆ, 25 մարտի./Նովոստի-Արմենիա/. 2023 թվականի մարտի 25-ին Ադրբեջանի Զինված ուժերի ստորաբաժանումը, խախտելով 2020 թվականի նոյեմբերի 9-ի եռակողմ հայտարարությունը, հատել է կողմերի շփման գիծը Շուշիի շրջանում՝ գրավելով բարձրություն (2.9 կմ Սարիբաբա լեռից հյուսիս-արևելք) և սկսել է դիրքի ինժեներական աշխատանքները: Այս մասին նշվում է ՌԴ ՊՆ տեղեկատվական տեղեկագրում։
«Ռուս խաղաղապահների հրամանատարությունը միջոցներ է ձեռնարկում ճգնաժամային իրավիճակի սրումը կանխելու և hակամարտ կողմերի փոխադարձ սադրանքները կանխելու համար: Ադրբեջանական կողմին պահանջ է ներկայացվել կատարել պետությունների ղեկավարների եռակողմ համաձայնագրերի դրույթները, ձեռնարկել միջոցներ՝ ինժեներական աշխատանքները դադարեցնելու և զինված ուժերի ստորաբաժանումները նախկինում զբաղեցրած դիրքեր վերադարձնելու համար»,- ասվում է տեղեկագրում։
Загружается новость ... "Лево"
Հրադադարի ռեժիմի մեկ խախտում արձանագրվել է նաև Մարտունու շրջանում։ Զոհեր և վիրավորներ չեն եղել։ Ռուսական խաղաղապահ զորակազմը հետաքննում է այս փաստը։
Այսօր Արցախի տեղեկատական շտաբը
հայտնել է, որ Ադրբեջանի զինված ուժերը, հերթական անգամ ոտնահարելով 2020թ. նոյեմբերի 9-ի եռակողմ հայտարարությամբ ստանձնած պարտավորությունները, մարտի 25-ին Շուշի-Լիսագոր հատվածում խախտել են նույն փաստաթղթով ամրագրված շփման գիծը և որոշակի դիրքային առաջխաղացում ապահովել Արցախի Հանրապետության տարածքում:-0-