UFC նախկին չեմպիոն Քոնոր Մաքգրեգորը պատրաստվում է առաջադրվել Իռլանդիայի նախագահի պաշտոնում
ԵՐԵՎԱՆ, 6 սեպտեմբերի./Նովոստի-Արմենիա/. «Բացարձակ մարտական առաջնության» (UFC) հայտնի մարտիկ Քոնոր Մաքգրեգորը հայտարարել է 2025 թվականին Իռլանդիայի նախագահի պաշտոնում առաջադրվելու մտադրության մասին։ Այս մասին նա գրել է X-ի իր միկրոբլոգում։
Նա խոստանում է իր նախագահության օրոք պատասխանատվության կանչել բոլոր «գողերին ու կեղծարարներին»։
«Որպես նախագահ ես իրավունք կունենամ և՛ հրավիրելու խորհրդարանի ստորին պալատը, և՛ լուծարելու այն: Բարձր պաշտոններ զբաղեցնող գողերն ու կեղծարարները պատասխանատվության կենթարկվեն»,- սոցցանցում գրել է UFC-ի նախկին չեմպիոն։
Մաքգրեգորը համարում է, որ այս պահին միակ տրամաբանական ընտրությունն ինքն է։
«Իռլանդիային պետք է ակտիվ նախագահ, որն ամբողջությամբ կաշխատի Իռլանդիայի ժողովրդի կողմից: Դա Ես եմ։ Ես միակ տրամաբանական ընտրությունն եմ։ 2025 թվականը մոտենում է…»,- գրել է Մաքգրեգորը։
Այս պահին Իռլանդիայի նախագահը 83-ամյա Մայքլ Հիգինսն է։
