ԵՐԵՎԱՆ, 12 դեկտեմբերի./Նովոստի-Արմենիա/. Դեկտեմբերի 12-ին, ժամը 01:00-ին Կոտայքի մարզային ճգնաժամային կառավարման կենտրոն ահազանգ է ստացվել, որ Հրազդան-Չարենցավան ավտոճանապարհին այրվում է ավտոմեքենա. տուժածներ չկան, հաղորդում է ՀՀ ԱԻՆ Փրկարար ծառայությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
«Հրդեհը մեկուսացվել է ժամը 01:18-ին, մարվել՝ 01:36-ին: Մ-4 ավտոճանապարհի Երևան-Սևան հատվածի 33-րդ կմ-ին այրվել է «Mercedes-Benz E320» մակնիշի ավտոմեքենայի (վարորդ՝ Շիրազ Բ․) սրահը և կոտրվել՝ ապակիները»,- նշվում է հաղորդագրության մեջ:-0-