ԵՐԵՎԱՆ, 10 օգոստոսի. /Նովոստի-Արմենիա/. Շաբաթ առավոտյան մահվան ելքով ՃՏՊ է գրանցվել Արմավիր-Գյումրի ճանապարհին:
Ինչպես հայտնում է ԱԻՆ մամուլի ծառայությունը, «911» ծառայությանը պատահարի վերաբերյալ ահազանգը ստացվել է ժամը 09:37-ին Թալինի ԲԿ-ի հերթապահից:
Պարզվել է, որ ժամը 08:10-ի սահմաններում Արմավիր-Գյումրի ավտոճանապարհի 42-րդ կմ-ին «Toyota» մակնիշի ավտոմեքենան (վարորդ՝ Վ.Հ., ծնված 1977 թ.) դուրս է եկել ճանապարհի երթևեկելի հատվածից և սահել ձորը:
Գերատեսչությունից հայտնում են, որ վարորդը մահացել է տեղում, իսկ ուղևոր Զ.Հ.-ն (ծնված 1969 թ.) տեղափոխվել է հիվանդանոց: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում