Տեսախցիկները ֆիքսել են Երևանում գրանցված խոշոր ավտովթարը. 2 հետիոտները մահացել են (ՎԻԴԵՈ)
13:23
17 Փետրվարի 2020
ԵՐԵՎԱՆ, 17 փետրվարի./Նովոստի-Արմենիա/. Տեսախցիկները ֆիքսել են երեկ՝ փետրվարի 16-ին Երևանում գրանցված մահվան ելքով ավտովթարը:
Հիշեցնենք, որ երեկ ժամը 01:00-ի սահմաններում Toyota մակնիշի ավտոմեքենայի վարորդը Պարոնյան փողոցում՝ «Արարատ» բանկի դիմաց, վրաերթի է ենթարկել փողոցը չթույլատրելի հատվածով անցնող 2 հետիոտնի:
Shamshyan.com-ի հաղորդմամբ, հետիոտները փողոցն անցնելիս են եղել չթույլատրելի հատվածով ու վրաերթի են ենթարկվել Toyota-ի վարորդի կողմից: Վրաերթի ենթարկվածներից մեկը տեղում մահացել էր, ում դին ոստիկանները հայտնաբերել էին Toyota-ի տանիքին, իսկ մյուս հետիոտնը մարմնական վնասվածքներով տեղափոխվել էր հիվանդանոց:
Կայքի փոխանցմամբ, այսօր՝ փետրվարի 17-ին, հիվանդանոցում մահացել է Երևանի բնակիչ, 67-ամյա Հայկ Էլիզբարյանը, ով հիվանդանոց էր տեղափոխվել փետրվարի 16-ին՝ Պարոնյան փողոցում՝ «Արարատ բանկի» դիմաց, Toyota մակնիշի ավտոմեքենայի վարորդի կողմից վրաերթի ենթարկվելու հետևանքով:
Կայքի հաղորդմամբ, փաստի առթիվ Հայաստանի քննչական կոմիտեում հարուցվել է քրեական գործ: -0-
Կնոջ քրոջը սպանած և ինքնասպան եղած տղամարդը թողել է թղթապանակ, որում եղել է ձեռագիր գրառում՝ կնոջ քրոջը սպանելու շարժառիթի վերաբերյալ․ ՄԱՆՐԱՄԱՍՆԵՐ. ՖՈՏՈ