«Opel»-ը դուրս է եկել ճանապարհի երթևեկելի հատվածից և կողաշրջվել ճամփեզրին․ կան տուժածներ

ԵՐԵՎԱՆ, 14 օգոստոսի․ /Նովոստի-Արմենիա/․ Օգոստոսի 13-ին, ժամը 21:24-ին Մարզային Ճգնաժամային կառավարման ազգային կենտրոն ահազանգ է ստացվել այն մասին, Երևան-Իջևան ավտոճանապարհի մոտ 64-րդ կմ-ին տեղի է ունեցել ՃՏՊ. կան տուժածներ: Այս մասին հայտնում է ՀՀ ԱԻՆ մամուլի ծառայությունը։

Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Իջևան ավտոճանապարի 64-րդ կմ-ին «Opel Astra G» մակնիշի ավտոմեքենան (վարորդ՝ Անդրանիկ Հ., ծնված 1990 թ․, 1 ուղևոր) դուրս է եկել ճանապարհի երթևեկելի հատվածից և կողաշրջվել ճամփեզրին:

«Մինչ փրկարարների դեպքի վայր հասնելը՝ վարորդը և ուղևոր Մարիամ Ն.-ն (ծնված 1978 թ.), հոսպիտալացվել են Սևանի ԲԿ, որտեղ բժիշկները տուժածների առողջական վիճակը գնահատել են կայուն»,- ասվում է հաղորդագրության մեջ։

Փրկարարները հոսանքազրկել են ավտոմեքենան և փակել գազի բալոնի փականը։-0-