Նոր մանրամասներ Խանջյան փողոցից. կյանքին վերջ տալու սպառնալիք հնչեցնող տղամարդու կինը ժամանել է միջադեպի վայր

ԵՐԵՎԱՆ, 3 մարտի. /Նովոստի–Արմենիա/. Խանջյան փողոցում ամբարձիչ կռունկից ցած նետվել սպառնացող տղամարդու կինը ժամանել է դեպքի վայր, հայտնում է «Նովոստի–Արմենիա» գործակալության թղթակիցը։

Կինը խոսել է ամուսնու հետ հեռախոսով, համոզելով նրան իջնել կռունկից, ինչին տղամարդը պատասխանել է, որ չի պատրաստվում իջնել, մինչև չլուծվեն իր ֆինանսական խնդիրները։

Հոգեբանը բարձրացել է վերամբարձ կռունկ, որ թույլ չտա տղամարդուն ինքնասպան լինել>>

Ճգնաժամային կառավարման ազգային կենտրոնի հոգեբանական խորհրդատվության հրահանգիչն իր հերթին հայտնում է, որ տղամարդը հավասարակշիռ վիճակում է։

«Տղամարդը, ով մոտ 50-60 տարեկան է, հարբած չէ»,– ասել է հոգեբանական խորհրդատվության բաժնի աշխատողը։ -0-