Հայաստանում Nissan–ը գլորվել է ձորը. տուժածների թվում 4–ամյա երեխա կա

ԵՐԵՎԱՆ, 11 հունվարի. /Նովոստի–Արմենիա/. Հինգշաբթի ՃՏՊ է տեղի ունեցել Սիսիան-Գորայք ավտոճանապարհին։

Դեպքի վայր է մեկնել մեկ մարտական հաշվարկ:

Ինչպես հայտնում է ԱԻՆ մամուլի ծառայությունը, Մ-2 ավտոճանապարհի Սիսիան-Գորայք հատվածի 34-րդ կմ-ին «Nissan Tiida» մակնիշի ավտոմեքենան (վարորդ՝ Գ. Թ.) դուրս է եկել ճանապարհի երթևեկելի հատվածից և գլորվել (մոտ 100 մ) ձորը:


Մինչ փրկարարների՝ կանչի վայր հասնելն ուղևորներ՝ 1961 թ. ծնված Ի. Հ.-ը, 2014 թ. ծնված Ե. Թ.-ը, 1992 թ. ծնված Ա. և 1957 թ. ծնված Ա. Ա.-երը տեղափոխվել են Սիսիանի ԲԿ, որտեղ բժիշկները տուժածների առողջական վիճակը գնահատել են միջին ծանրության:

Փրկարարները հոսանքազրկել են ավտոմեքենան և փակել գազի բալոնի փականը: -0-