Հայկական ԶՈՒ–ն ճնշել է հակառակորդի կրակն Ադրբեջանի հետ սահմանում

ԵՐԵՎԱՆ, 26 մարտի. /Նովոստի-Արմենիա/. Ադրբեջանական զինված ուժերի ստորաբաժանումները փորձել են երեքշաբթի ինժեներական աշխատանքներ իրականացնել հայ-ադրբեջանական սահմանի հյուսիսարևելյան հատվածում` Բերդավան գյուղի մերձակայքում։

Դրանով պայմանավորված` նրանք փորձել են մոտեցնել իրենց դիրքերը։

Ինչպես հայտնում է Հայաստանի պաշտպանության նախարարության մամուլի ծառայությունը, միջադեպը տեղի է ունեցել ժամը 16։30-ի սահմաններում միջդիրքային տարածքում։

Չենթարկվելով հայկական առաջապահ ստորաբաժանումների նախազգուշացումներին՝ ադրբեջանական զինուժը կրակ է բացել հայկական դիրքերի ուղղությամբ։

Պատասխան կրակով հակառակորդը լռեցվել է, ինժեներական աշխատանքները՝ կասեցվել։
Հայկական կողմից տուժածներ չկան։ -0-