Գերմանիայում հրկիզվել է ՀՀ դեսպանության ծառայողական ավտոմեքենան (ՖՈՏՈ)

ԵՐԵՎԱՆ, 23 հուլիսի./Նովոստի-Արմենիա/. Այս գիշեր՝ հուլիսի 23-ին, ժամը 00.12-ին, հրկիզվել է Գերմանիայում Հայաստանի Հանրապետության դեսպանության ծառայողական ավտոմեքենան: Այս մասին նշվում է դեսպանության Facebook-յան էջում:

ԳԴՀ դաշնային արտաքին քաղաքական գերատեսչությունը, Բեռլինի երկրամասային ոստիկանությունը և ոստիկանության համապատասխան մարմինները պաշտոնապես տեղեկացված են:

«Այժմ գերմանացի ոստիկաններն ու փորձագետները կատարում են ծառայողական քննություն՝ դիտարկելով միտումնավոր հրկիզման վարկածը»,- նշվում է հայտարարության մեջ: -0-