Արտակարգ դեպք Երևան-Իջևան ավտոճանապարհին. բախվել են Nissan-ն ու բեռնատար գնացքը (ՖՈՏՈ)

ԵՐԵՎԱՆ, 25 հուլիսի./Նովոստի-Արմենիա/. Այսօր՝ հուլիսի 25-ին, արտակարգ դեպք է տեղի ունեցել Երևան-Իջևան ավտոճանապարհին:

Shamshyan.com-ի հաղորդմամբ, ժամը 13։00-ի սահմաններում Երևան-Իջևան ավտոճանապարհի՝ Սևան քաղաքից Ցամաքաբերդ տանող ճանապարհին գտնվող առկա գնացքի անցման վրա բախվել են Սևան քաղաքի բնակիչ՝ 47-ամյա Ռուբեն Մ.-ի վարած Nissan XTrail մակնիշի ավտոմեքենան և Գոռ Մ.-ի վարած 30 վագոնով էլեկտրաքարշը։

Կայքի տեղեկությունների համաձայն՝ բարեբախտաբար, տուժածներ չկան։

Փաստի առթիվ նյութեր են նախապատրաստվում։

Կայքի տեղեկություններով՝ բեռնատար գնացքը Երևանից ուղևորվում էր Սոթք, իսկ նշված հատվածում բացակայում է ուղեփակոցը, ինչի պատճառով էլ հաճախակի են նմանատիպ դեպքեր տեղի ունենում: -0-