Երևանում ոստիկանները մոտեցել են սյանը բախված Nissan–ին ու սրահում հայտնաբերել թմրանյութ

ԵՐԵՎԱՆ, 6 նոյեմբերի./Նովոստի–Արմենիա/. Նոյեմբերի 4-ին, ժամը 22.30-ին, ոստիկանության Երևան քաղաքի վարչության ՊՊԾ գնդի ծառայողները, Թևոսյան փողոցում մոտենալով էլեկտրասյանը բախված «Նիսան» մեքենային, սրահում նկատել են կանաչ գույնի երեք կաթոցիչ և պոլիէթիլենային մեկ փաթեթ, հաղորդում է ՀՀ ոստիկանության մամուլի ծառայությունը:

«Վարորդը 27-ամյա ծանոթի հետ բերման է ենթարկվել ոստիկանության Նոր Նորքի բաժին, մեքենան տեղափոխվել է բաժնի պահպանվող հատուկ տարածք: Նշանակվել է փորձաքննություն, նախապատրաստվում են նյութեր», – նշվում է գերատեսչության հաղորդագրության մեջ:–0–