Երևանում պարեկային ծառայության մեքենան վթարի է ենթարկվել. կա վիրավոր (ՎԻԴԵՈ)
16:22
18 Մայիսի 2022
ԵՐԵՎԱՆ, 18 մայիսի./Նովոստի-Արմենիա/. Այսօր՝ մայիսի 18-ին, ավտովթար է տեղի ունեցել Երևանում։
Загружается новость ... "Лево"
Ժամը 09։20-ի սահմաններում Դավիթաշեն վարչական շրջանից դեպի Արաբկիր վարչական շրջան՝ Դավիթաշենի կամրջի սկզբնամասում բախվել են Toyota Corolla մակնիշի և ՀՀ ոստիկանության պարեկային ծառայության Երևանի գնդի ծառայողական Skoda Octavia մակնիշի ավտոմեքենան։
Վթարի հետևանքով 1 մարդ հոսպիտալացվել է։
Պարեկային ծառայությունը պարզում է վարորդների և հիվանդանոց տեղափոխված քաղաքացու ինքնությունը։
Կայքի տեղեկություններով՝ պարեկային ծառայության ավտոմեքենան՝ լուսաձայնային ազդանշանները միացրած, դեպքի վայր մեկնելիս է եղել, երբ տեղի է ունեցել վթարը։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:-0-
