Երևանում Թուրքիայի քաղաքացու դի է հայտնաբերվել

ԵՐԵՎԱՆ, 13 ապրիլի./Նովոստի–Արմենիա/. Ապրիլի 11–ին Երևանում գործող մաքսատան տարածքում Թուրքիայի քաղաքացու դի է հայտնաբերվել։

Այս մասին հայտնեց ոստիկանության հասարակայնության հետ կապերի բաժնի պետի տեղակալ Էդգար Ջանոյանը։


«Ապրիլի 11-ին ժ.10.35-ին շտապօգնության ենթակայանից հաղորդում է ստացվել, որ շտապօգնության 61 խումբը կանչով մեկնել է Արարատյան փողոցի հասցեում գործող մաքսատուն, որտեղ մահացած է եղել 60 տարեկան մի տղամարդ:Նշանակվել է դատաբժշկական փորձաքննություն: Նախաձեռնվել է քրեական վարույթ», – նշեց Ջանոյանը։–0–