Երևանում 47–ամյա տղամարդ է բերման ենթարկվել, նրա մոտ ատրճանակ ու դանակ է եղել (ՎԻԴԵՈ)

ԵՐԵՎԱՆ, 18 հոկտեմբերի./Նովոստի–Արմենիա/. Երևանում 47–ամյա տղամարդու խուզարկության արդյունքում հայտնաբերվել է ատրճանակ ու դանակ, հաղորդում է ՀՀ ոստիկանության մամուլի ծառայությունը։

Ոստիկանության Երևան քաղաքի վարչության ՊՊԾ գնդի 5-րդ վաշտի ոստիկանները, որոնք սպասարկում են Շենգավիթ վարչական շրջանը հոկտեմբերի 17-ին բերման են ենթարկել 47-ամյա մի տղամարդու՝ զենք և սառը զենք կրելու կասկածանքով, հաղորդում է ՀՀ ոստիկանության մամուլի ծառայությունը։

Նրա խուզարկությամբ հայտնաբերվել է ատրճանակ ու դանակ, որոնք ուղարկվել են ոստիկանության փորձաքրեագիտական վարչություն։ Դեպքի առթիվ նախապատրաստվում են նյութեր։ Հանգամանքները պարզվում են։–0–