ԵՐԵՎԱՆ, 1 սեպտեմբերի./Նովոստի–Արմենիա/. Օգոստոսի 28-ի լույս գիշերը, ժամը 05.35-ին, ոստիկանություն զանգած 53-ամյա տղամարդը հաղորդում էր տվել, որ մոտ մեկ ժամ առաջ որպես տաքսի վարած իր «Օպելն» էր նստել մի երիտասարդ, որը Շահսուվարյան փողոցում, չվճարելով ուղեվարձը, հափշտակել էր իր պարանոցի ոսկյա շղթան՝ խաչով, և դիմել փախուստի, հաղորդում է ՀՀ ոստիկանությունը:
«Ոստիկանության Արաբկիրի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են կողոպուտը կատարողի ինքնությունը: Օգոստոսի 31-ին 39-ամյա երիտասարդը Ն. Տիգրանյան փողոցում հայտնաբերվել, ձերբակալվել և ներկայացվել է Արաբկիրի քննչական բաժին», – նշվում է գերատեսչության հաղորդագրության մեջ:
Նախաձեռնվել է քրեական վարույթ: Կատարվում է նախաքննություն:–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում