Երևանի ավտոտնակներից մեկում հրդեհ է բռնկվել, դեպքի վայր է մեկնել 2 մարտական հաշվարկ

ԵՐԵՎԱՆ, 17 հունվարի./Նովոստի–Արմենիա/. Նախօրեին հրդեհ է բռնկվել Երևանի Արզումանյան փողոցում գտնվող ավտոտնակներից մեկում, հաղորդում է ՀՀ ԱԻՆ Փրկարար ծառայությունը։


Հունվարի 16-ին, ժամը 22։42-ին Ճգնաժամային կառավարման ազգային կենտրոն ահազանգ է ստացվել, որ Երևանի Արզումանյան փողոցի թիվ 8ա շենքի մոտակայքում գտնվող ավտոտնակներից մեկում հրդեհ է բռնկվել:

«Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ», – նշվում է գերատեսչության հաղորդագրության մեջ։

Հրդեհը մեկուսացվել է ժամը 22։55-ին, մարվել՝ 23։12-ին։ Այրվել են կենցաղային իրեր, բազմոց և 20 կիլոգրամանոց գազի բալոնից արտահոսած գազը։–0–