ԵՐԵՎԱՆ, 2 օգոստոսի./Նովոստի–Արմենիա/. Այսօր առավոտյան խոշոր ՃՏՊ է տեղի ունեցել Երևան-Երասխ ճանապարհին։
ՀՀ ԱԻՆ Փրկարար ծառայության հաղորդմամբ, ժամը 10:11-ին «911» ծառայությանը տեղեկություն է հաղորդվել, որ Երևան-Մեղրի ավտոճանապարհի 41-րդ կմ-ի ձախակողմյան հատվածում տեղի է ունեցել ՃՏՊ, կան տուժածներ, անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Загружается новость ... "Лево"
Պարզվել է, որ Երևան-Երասխ ավտոճանապարհի 43-րդ կմ-ին բախվել են «ՎԱԶ-2106» (վարորդ՝ Մ.Գ., ծնված 1956 թ.), «Lexus LX 470» (վարորդ՝ Վ.Հ., ծնված 1988 թ.) և «Mercedes C200» (վարորդ՝ Կ.Կ., ծնված 1980 թ.) մակնիշների ավտոմեքենաները:
Մինչ փրկարարների՝ կանչի վայր հասնելը «ՎԱԶ-2106» մակնիշի ավտոմեքենայի ուղևորը՝ Ձ.Հ.-ն (ծնված 1960 թ.) և «Lexus LX 470» մակնիշի ավտոմեքենայի ուղևորը՝ Ն.Վ.-ն (ծնված 1990 թ.), հոսպիտալացվել են Արտաշատի ԲԿ: Բժիշկները Ն.Վ.-ի առողջական վիճակը գնահատել են միջին ծանրության, իսկ Ձ.Հ.-ինը՝ ծանր:
Փրկարարները հոսանքազրկել են ավտոմեքենաները, փակել գազի բալոնների փականները և իրականացրել ճանապարհի լվացման աշխատանքներ:–0–