Ողբերգական դեպք Երևանում. որդին հայտնաբերել է հոր դին, կողքին էլ` զենք

ԵՐԵՎԱՆ, 14 դեկտեմբերի./Նովոստի–Արմենիա/. Դեկտեմբերի 12-ին ողբերգական դեպք է տեղի ունեցել Երևանում։

Shamshyan.com–ի հաղորդմամբ, ժամը 12։00-ի սահմաններում ՀՀ ոստիկանւթյան օպերատիվ կառավարման կենտրոն ահազանգ է ստացվել անհայտ քաղաքացուց, ով հայտնել է, որ Նոր Նորքի 8-րդ զանգվածի շենքերից մեկին հարակից այգում տղամարդու դի կա։

Ոստիկաններն ու քննիչները պարզել են, որ Նոր Նորք վարչական շրջանի բնակիչ՝ 81-ամյա Գ. Մ-ն նշված այգում ինքնասպանություն է գործել «ՏՈԶ» տեսակի ինքնաշեն զենքի միջոցով։

Փաստի առթիվ քննչական բաժնում նյութեր են նախապատրաստվում, նշանակվել են մի շարք փորձաքննություններ։

Կայքի տեղեկություններով՝ Գ. Մ.-ին մահացած հայտնաբերել է նրա որդին։

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:–0–