ԵՐԵՎԱՆ, 13 սեպտեմբերի․/Նովոստի-Արմենիա/․ Ծանր վիճակով «Սուրբ Աստվածամայր» ԲԿ է ընդունվել 6-ամյա մի աղջիկ, ով ընկել է 7-րդ հարկից։ Այս մասին նշվում է «Սուրբ Աստվածամայր» ԲԿ-ի Facebook-յան էջում։
Երեխան գտնվում է վերակենդանացման բաժանմունքում, ունի կրծքավանդակի սալջարդ, թոքերի սալջարդ, կոնքի ոսկրերի կոտրվածքներ, վնասվել է նաև գանգուղեղը:
««Սուրբ Աստվածամայր» ԲԿ-ի բժիշկներին հաջողվել է փրկել փոքրիկին, կայունացնել վիճակն ու վերականգնել կյանքի համար անհրաժեշտ ֆունկցիաները: Աղջնակն այժմ գիտակից է, գտնվում է բժիշկների խիստ հսկողության ներքո: Վիճակը ներկա պահին գնահատվում է ծանր, բայց կա դրկան դինամիկա», - նշվում է հաղորդագրության մեջ:-0-