Սարսափելի կադրեր այսօր Արարատի մարզում գրանցված ողբերգական ավտովթարից (ՎԻԴԵՈ)

ԵՐԵՎԱՆ, 28 փետրվարի./Նովոստի-Արմենիա/. Համացանցում հրապարակվել են այսօր Արարատի մարզում տեղի ունեցած ողբերգական ավտովթարի կադրերը։
Տեսանյութում երևում է, թե ինչպես է BMW մակնիշի ավտոմեքենան ուժեղ հարվածում ՎԱԶ–ին, ինչի հետևանքով ՎԱԶ–ը մի քանի անգամ պտտվում է։
Ինչպես հաղորդել էինք ավելի վաղ, այսօր՝ փետրվարի 28-ին, խոշոր ու ողբերգական ավտովթար է տեղի ունեցել Արարատի մարզում։
Shamshyan.com-ի հաղորդմամբ, ժամը 11։50-ի սահմաններում Մխչյան գյուղի Երևանյան խճուղում բախվել են BMW մակնիշի և ՎԱԶ 2106 մակնիշի ավտոմեքենաները։
Կայքի հաղորդմամբ, վթարի հետևանքով «06»-ի վարորդը տեղում մահացել է, վարորդի դին գտել են մեքենայից դուրս: ՎԱԶ-ը բախվել է ճանապարհի թույլատրելի հատվածում կայանված Mitsubishi Chariot մակնիշի ավտոմեքենային։
Տեղում աշխատում են շտապօգնության և ոստիկանության աշխատակիցները: Ոստիկանությունն ու քննչական բաժինը պարզում են վարորդների և մահացածի ինքնությունը։–0–