+14
Եղանակը Երևանում
Հայ

Պարզվել են Քանաքեռ-Զեյթունում տեղի ունեցած աղմկահարույց սպանության մանրամասները

20:25
27 Հուլիսի 2022

ԵՐԵՎԱՆ, 27 հուլիսի./Նովոստի-Արմենիա/. ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում, նախաձեռնված քրեական վարույթի շրջանակներում, շարունակվում են ձեռնարկվել քննչական և վարութային գործողություններ՝ Երևան քաղաքի Քանաքեռցու փողոցում կատարված սպանության և առողջությանը միջին ծանրության վնաս պատճառելու դեպքի բոլոր հանգամանքները պարզելու ուղղությամբ, հաղորդում է ՀՀ ՔԿ-ն:

Հիշեցնենք, որ հուլիսի 13-ին՝ ժամը 01:05-ից 05:00-ն ընկած ժամանակահատվածում, տարբեր աստիճանի մարմնական վնասվածքներով Երևանի տարբեր բժշկական կենտրոններ էին տեղափոխվել Գյումրի քաղաքի՝ 21-ամյա երկու և Երևան քաղաքի՝ 20 և 19-ամյա բնակիչներ:

Ձեռնարկված միջոցառումների արդյունքում պարզվել էր, որ երիտասարդները հիշյալ վնասվածքները ստացել էին Երևանի Քանաքեռցու փողոցում կենցաղային հարցերի շուրջ տեղի ունեցած վիճաբանության ժամանակ: Դեպքի հաջորդ օրը՝ 2022թ. հուլիսի 14-ին, ՀՀ ոստիկանության Քանաքեռ-Զեյթունի բաժնից գրություն էր ստացվել այն այն մասին, որ Գյումրի քաղաքի 21-ամյա բնակիչներից մեկը, գիտակցության չգալով, մահացել է հիվանդանոցում:

«ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի քննիչների կողմից կատարված մեծածավալ գործողությունների, ինչպես նաև ՀՀ ոստիկանության Երևան քաղաքի վարչության և Քանաքեռ-Զեյթուն բաժնի ծառայողների հետ համատեղ իրականացված միջոցառումների արդյունքում պարզվել են դեպքի՝ էական նշանակություն ունեցող մի շարք հանգամանքներ, այդ թվում՝ շարժառիթը, միջադեպին մասնակից անձանցից մի քանիսի, ինչպես նաև՝ հիվանդանոցում մահացած երիտասարդին կյանքի հետ անհամատեղելի մարմնական վնասվածք հասցրած անձի ինքնությունը, ով Երևան քաղաքի՝ 20-ամյա բնակիչ է», - նշվում է գերատեսչության հաղորդագրության մեջ:

Մասնավորապես՝ քննությամբ տվյալներ են ձեռք բերվել այն մասին, որ հիվանդանոցում մահացած 21-ամյա երիտասարդը, դեպքից օրեր առաջ տեղեկանալով համակուրսեցու՝ ԱՄՆ-ում գտնվող ծանոթի կողմից իր մասին վարկաբեկող տեղեկություններ հայտնելու մասին, հեռախոսազրույց է ունեցել վերջինիս հետ, որի ընթացքում երիտասարդները վիճաբանել և փոխադարձ վիրավորանքներ են հասցրել միմյանց:

Նշված հարցը պարզաբանելու համար ԱՄՆ-ում գտնվող հիշյալ անձը դիմել է Երևանում բնակվող իր 20-ամյա ընկերոջը, ով նախապես պայմանավորվածություն է ձեռք բերել իր ընկերների հետ միասին Երևան քաղաքի Պարույր Սևակ փողոցում գտնվող այգում 21-ամյա երիտասարդի հետ հանդիպելու վերաբերյալ, վերջինիս էլ հանդիպման մասին տեղյակ է պահել իր ընկերներին:

Հանդիպումը նախաձեռնած երիտասարդի առաջարկով խոսակցությունը տեղափոխվել է Երևան քաղաքի Քանաքեռցու փողոցի շենքերից մեկի մոտ, որտեղ էլ՝ զրուցարանում, վիճաբանություն է առաջացել, որի ընթացքում հիշյալ 20-ամյա երիտասարդը, ապօրինաբար կյանքից զրկելու դիտավորությամբ, դեռևս չպարզված կտրող-ծակող առարկայով, հարվածել է 21-ամյա երիտասարդի կրծքավանդակի ձախ կեսին, ինչի արդյունքում վերջինս մահացել է:

Վարույթն իրականացնող մարմինը միջնորդություն է ներկայացրել քրեական վարույթը հսկող դատախազին՝ 20-ամյա երիտասարդի նկատմամբ ՀՀ քրեական օրենսգրքի 155-րդ հոդվածի 1-ին մասով քրեական հետապնդում հարուցելու մասին:

Որոշում է կայացվել՝ նրա նկատմամբ կալանավորումը որպես խափանման միջոց ընտրելու հիմքով նրան ձերբակալելու մասին, և ՀՀ ոստիկանության Քանաքեռ-Զեյթուն բաժնի ծառայողների կողմից վերջինս ձերբակալվել և ներկայացվել է վարույթն իրականացնող մարմնին:

Նախաքննությունը շարունակվում է:

Ձեռնարկվում են անհրաժեշտ միջոցառումներ՝ հանցագործության գործիք հանդիսացող կտրող-ծակող գործիքը հայտնաբերելու, միջադեպին մասնակիցներից յուրաքանչյուրի գործողություններն անհատականացնելու, քրեաիրավական գնահատական տալու, տուժած մյուս երիտասարդների՝ վնասվածքներ ստանալու հանգամանքները, առերևույթ հանցագործություն կատարած անձին (անձանց) ինքնությունը պարզելու ուղղությամբ:

Հանձնարարություններ են տրվել հետաքննության մարմնին:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:35
28 Սեպտեմբերի 2022
Երևանում 52–ամյա տղամարդու մոտ հայտնաբերվել է պայթուցիչով նռնակ, փամփուշտ ու դանակ (ՎԻԴԵՈ)
Երևանում 52–ամյա տղամարդու մոտ հայտնաբերվել է պայթուցիչով նռնակ, փամփուշտ ու դանակ. ՎԻԴԵՈ
19:07
27 Սեպտեմբերի 2022
Երևանցիներն ու շիրակցիները զգացել են Թուրքիայում գրանցված ուժեղ երկրաշարժը
Երևանցիներն ու շիրակցիները զգացել են Թուրքիայում գրանցված ուժեղ երկրաշարժը
14:33
27 Սեպտեմբերի 2022
Երևանում 30–ամյա տղամարդն արցունքաբեր գազ է փչել գիշերային ակումբի պարուհու դեմքին և հափշտակել 9000 դոլար ու 220 հազ. դրամ
Երևանում 30–ամյա տղամարդն արցունքաբեր գազ է փչել գիշերային ակումբի պարուհու դեմքին և հափշտակել 9000 դոլար ու 220 հազ. դրամ
12:52
27 Սեպտեմբերի 2022
Հայտնի է Ճամբարակում 32–ամյա ոստիկանի սպանության մեջ կասկածվողի ինքնությունը (ՎԻԴԵՈ)
Հայտնի է Ճամբարակում 32–ամյա ոստիկանի սպանության մեջ կասկածվողի ինքնությունը. ՎԻԴԵՈ
16:15
26 Սեպտեմբերի 2022
«Նուբարաշեն» ՔԿՀ-ում 35–ամյա դատապարտյալ է մահացել
«Նուբարաշեն» ՔԿՀ-ում 35–ամյա դատապարտյալ է մահացել
13:52
26 Սեպտեմբերի 2022
Բացահայտվել է Մալաթիա–Սեբաստիայում տեղի ունեցած դաժան սպանությունը. հոսպիտալացված վիրավորը մահացել է (ՎԻԴԵՈ)
Հրապարակվել են կադրեր Մալաթիա–Սեբաստիայում տեղի ունեցած սպանության վայրից. հանցագործությունը բացահայտվել է
13:02
26 Սեպտեմբերի 2022
Իժևսկում տղամարդը կրակ է բացել դպրոցում, կան զոհեր ու վիրավորներ (ՎԻԴԵՈ)
Իժևսկում տղամարդը կրակ է բացել դպրոցում, կան զոհեր ու վիրավորներ. ՎԻԴԵՈ
16:05
23 Սեպտեմբերի 2022
Մտել է արագ սննդի կետ, հայհոյել ու դանակի բազմաթիվ հարվածներով սպանել. սարսափելի դեպք Գեղարքունիքի մարզում (ՎԻԴԵՈ)
Հրապարակվել են կադրեր Ճամբարակում տեղի ունեցած դաժան սպանությունից. ՎԻԴԵՈ
15:21
23 Սեպտեմբերի 2022
Գեղարքունիքում Nissan–ը բախվել է ձիուն, ապա` արգելապատնեշներին. կա 6 վիրավոր, այդ թվում` երեխաներ
Գեղարքունիքում Nissan–ը բախվել է ձիուն, ապա` արգելապատնեշներին. կա 6 վիրավոր, այդ թվում` երեխաներ
11:03
22 Սեպտեմբերի 2022
«Սուրմալու»–ի կիսաքանդ շինության փլուզման հետևանքով տուժած 3 քաղաքացիներից երկուսը դուրս են գրվել
«Սուրմալու»–ի կիսաքանդ շինության փլուզման հետևանքով տուժած 3 քաղաքացիներից երկուսը դուրս են գրվել
22:58
21 Սեպտեմբերի 2022
Իրանում գրանցված ուժեղ երկրաշարժը զգացվել է Երևանում և Հայաստանի մի շարք բնակավայրերում
Իրանում գրանցված ուժեղ երկրաշարժը զգացվել է Երևանում և Հայաստանի մի շարք բնակավայրերում