Խոշոր ավտովթար Կոտայքում.10–ամյա երկվորյակ քույրն ու եղբայրը հոսպիտալացվել են

ԵՐԵՎԱՆ, 19 օգոստոսի./Նովոստի–Արմենիա/. Այսօր, օգոստոսի 19-ին, խոշոր ավտովթար է տեղի ունեցել Կոտայքի մարզում։

Shamshyan.com–ի հաղորդմամբ, ժամը 07։10-ի սահմաններում Երևան-Սևան ավտոճանապարհի 46 կմ հատվածում բախվել են Mercedes և LADA 2114 մակնիշի ավտոմեքենաները։

Վթարի հետևանքով LADA-ն դուրս է եկել երթևեկելի գոտուց և հայտնվել դաշտում։

Վթարի հետևանքով LADA-ի ուղևորները՝ 10-ամյա Լիլիթ և Արթուր Վ․-երը մարմնական վնասվածքներով տեղափոխվել են «Հրազդան» բժշկական կենտրոն։

Կայքի տեղեկություններով՝ վիրավորները երկվորյակներ են։–0–