Խոշոր ավտովթար Էջմիածնում. տրակտորը դուրս է եկել ճանապարհից և շրջվել, վարորդը հոսպիտալացվել է (ՖՈՏՈ)
ԵՐԵՎԱՆ, 19 հոկտեմբերի./Նովոստի–Արմենիա/. Հոկտեմբերի 18-ին, ժամը 21։31-ին Արմավիրի մարզային ճգնաժամային կառավարման կենտրոն տեղեկություն է ստացվել, որ Էջմիածին քաղաքի Զվարթնոց թաղամասից դեպի Մասիս քաղաք տանող ավտոճանապարհին տեղի է ունեցել ՃՏՊ․ կա տուժած, հաղորդում է ՀՀ ԱՒՆ–ը։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ Մուսալեռ գյուղի տարածքում «Belarus» մակնիշի տրակտորը (վարորդ` Ք. Դ.) դուրս է եկել դաշտամիջյան ճանապարհից և շրջվել մոտակա փոսը:
Փրկարարները վարորդին դուրս են բերել տրակտորից և մոտեցրել շտապօգնության ավտոմեքենային․ վերջինս հոսպիտալացվել է Վաղարշապատի ԲԿ, որտեղ բժիշկները նրա առողջական վիճակը գնահատել են բավարար:–0–
