Հրապարակվել են նախօրեին Արմավիրի մարզում գրանցված խոշոր ավտովթարի կադրերը (ՎԻԴԵՈ)
15:23
06 Հոկտեմբերի 2021
ԵՐԵՎԱՆ, 6 հոկտեմբերի./Նովոստի–Արմենիա/. Հրապարակվել են նախօրեին Արմավիրի մարզում տեղի ունեցած խոշոր ավտովթարի կադրերը։
Shamshyan.com–ի հաղորդմամբ, կադրեդրն արձանագրել է փողոցում տեղադրված տեսախցիկը։
Ինչպես հաղորդել էինք ավելի վաղ, հոկտեմբերի 5-ին, խոշոր ավտովթար է տեղի ունեցել Արմավիրի մարզում։
Ժամը 11։15-ի սահմաններում «Կռազ 250» մակնիշի բեռնատարը Երևան-Արմավիր ավտոճանապարհի՝ Զվարթնոց տաճարի հարևանությամբ դեպի Երևան ընթանալիս բախվել է ճանապարհի թույլատրելի հատվածում կայանված «ԼԱԴԱ 2114» մակնիշի ավտոմեքենային։
Բախման հետևանքով «ԼԱԴԱ»-ն առաջ է ընթացել, բախվել ճանապարհի թույլատրելի հատվածում կայանված «Ֆորդ Տրանզիտ» մակնիշի ավտոմեքենային, վերջինս էլ առաջ ընթանալով բախվել է կայանված մինի տրակտորին։
Վթարի հետևանքով 3 մարդ մարմնական վնասվածքներով հոսպիտալացվել է։