Հանքավան գյուղում 3-ամյա երեխա է կորել

ԵՐԵՎԱՆ, 24 հուլիսի./Նովոստի-Արմենիա/. Հանքավանում արտակարգ դեպք է տեղի ունեցել, հաղորդում է ՀՀ ԱԻՆ Փրկարար ծառայությունը:

Հուլիսի 24-ին, ժամը 13։48-ին Կոտայքի մարզային ճգնաժամային կառավարման կենտրոն ահազանգ է ստացվել, որ Հանքավան գյուղում կորել է 3-ամյա երեխա։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Փրկարարներն «Անի ռեզորթ» հանգստյան տան մոտակայքում հայտնաբերել են Ա․ Ռ․-ին․ բուժօգնության անհրաժեշտություն չկա։-0-