Գիշերը 3–ին մտել է առանձնատան պատշգամբ, տանտերն էլ հրացանով կրակել է. արտակարգ պատահար Նոյեմբերյանում

17.01.2022, 13:03
Գիշերը 3–ին մտել է առանձնատան պատշգամբ, տանտերն էլ հրացանով կրակել է. արտակարգ պատահար Նոյեմբերյանում
Գիշերը 3–ին մտել է առանձնատան պատշգամբ, տանտերն էլ հրացանով կրակել է. արտակարգ պատահար Նոյեմբերյանում
ԵՐԵՎԱՆ, 17 հունվարի./Նովոստի–Արմենիա/. Հունվարի 15–ին արտակարգ դեպք է տեղի ունեցել Նոյեմբերյանում։

Загружается новость ... "Лево"

ՀՀ ոստիկանության հաղորդմամբ, հունվարի 15-ին, ժամը 03.35-ին, ոստիկանության Նոյեմբերյանի բաժնում հաղորդում էր ստացվել, որ Նոյեմբերյան բնակավայրի Տերյան փողոցի տներից մեկում գող կա:

Մեկնած օպերատիվ խմբի ծառայողները պարզել են, որ ժամը 03.10-ի սահմաններում 24-ամյա երիտասարդը ցանկապատի վրայով մտել է նշված առանձնատան պատշգամբ։ Նրան նկատել է տանտիրոջ դուստրը և հայտնել հորը: Նա էլ հետապնդել է երիտասարդին, ապա իր անվամբ հաշվառված որսորդական ակոսափող հրազենից մեկ անգամ կրակելով՝ մարմնական վնասվածք է պատճառել նրան:

Տուժածը շտապօգնության մեքենայով տեղափոխվել է հիվանդանոց:

59-ամյա տղամարդը, հրազենով հանդերձ, բերման է ենթարկվել ոստիկանության Նոյեմբերյանի բաժին, ապա ներկայացվել տարածքային նախաքննական մարմնին և ձերբակալվել:

Հանգամանքները պարզվում են: Կատարվում է նախաքննություն:–0–