ԲԱՑԱՌԻԿ ԿԱԴՐԵՐ. նռնակներով զինված տղամարդը ներխուժել է բուքմեյքերական ընկերություն (ՎԻԴԵՈ)
23.08.2021,
12:35
ԲԱՑԱՌԻԿ ԿԱԴՐԵՐ. նռնակներով զինված տղամարդը ներխուժել է բուքմեյքերական ընկերություն.ՎԻԴԵՈ
ԵՐԵՎԱՆ, 23 օգոստոսի./Նովոստի–Արմենիա/. ՀՀ ոստիկանությունը հրապարակել է Երևանի բուքմեյքերական ընկերություններից մեկի վրա հարձակման կադրերը։
Ինչպես հաղորդել էինք ավելի վաղ, օգոստոսի 20-ին, ժամը 09։10-ի սահմաններում, ոստիկանության Մալաթիայի բաժին տեղեկություն է ստացվել, որ նռնակներով զինված մի տղամարդ մտել է Բաբաջանյան փողոցի բուքմեյքերական ընկերության մի գրասենյակ։ Գրասենյակ են մեկնել ոստիկանության ղեկավար կազմն ու օպերատիվ խմբեր։ Զինված տղամարդու հետ բանակցություններն արդյունք են տվել։
Նա դուրս է եկել բուքմեյքերական ընկերության գրասենյակից ու տեղափոխվել ոստիկանություն։ Պարզվել է ինքնությունը՝ Երևանի Բաբաջանյան փողոցի 34-ամյա բնակիչ։ Հանգամանքները պարզվում են։–0–
Պատճենել հղումը
