Ավագ լեյտենանտը վատ տեսանելիության պայմաններում մոլորվել է, հնարավոր է` հայտնվել է ադրբեջանական կողմում.ՊՆ

ԵՐԵՎԱՆ, 23 օգոստոսի./Նովոստի–Արմենիա/. Օգոստոսի 22-ին, ժամը 21։00-ի սահմաններում, ՀՀ ՊՆ N զորամասի զինծառայող, ավագ լեյտենանտ Արթուր Բորիսի Դավիդյանը, առանց վերադաս հրամանատարության թույլտվության դուրս է եկել մշտական տեղակայման վայրից, ինչից հետո որոշ ժամանակ անց նրա հետ կապը կորել է, հաղորդում է ՀՀ ՊՆ–ն։ 

Անմիջապես մեկնարկել են որոնողա-փրկարարական աշխատանքներ, ռուսական կողմի միջնորդությամբ քայլեր են ձեռնարկվում զինծառայողի՝ ադրբեջանական կողմում հայտնվելը հաստատելու ուղղությամբ։–0–