Արտակարգ դեպք Երևանում. գերեզմանոցում տղամարդը նռնակով պայթեցրել է իրեն

ԵՐԵՎԱՆ, 23 մայիսի./Նովոստի–Արմենիա/. Նախօրեին ողբերգական դեպք է տեղի ունեցել Ավան Առինջի գերեզմանոցում։

Shamshyan.com–ի հաղորդմամբ, գերեզմանոցում մի տղամարդ շիրմաքարի մոտ նստած սպառնացել է պայթեցնել իր մոտ եղած մարտական նռնակը։

Ոստիկանները բանակցել են, որպեսզի նա չդիմի այդ ծայրահեղ քայլին, սակայն տղամարդու հետ բանակցությունները արդյունք չեն տվել, նա ձեռքին փաթաթած նռնակը պայթեցրել է։

Բժիշկներն արձանագրել են տղամարդու մահը։
Դեպքի վայրի զննությամբ հայտնաբերվել են նռնակի օղակը, դանակներ, օղու շիշ։

Դեպքի փաստով նախաձեռնվել է վարույթ։

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։–0–