15–ամյա Նանար Մուրադյանը որոնվում է որպես անհետ կորած (ՎԻԴԵՈ)
13:25
13 Փետրվարի 2023
ԵՐԵՎԱՆ, 13 փետրվարի./Նովոստի–Արմենիա/. Ոստիկանության Կոտայքի բաժնի կողմից որպես անհետ կորած որոնվում է 2008թ.–ին ծնված Նանար Մուրադյանը, հաղորդում է ՀՀ ոստիկանության մամուլի ծառայությունը։
Նա փետրվարի 11–ին ժամը 14–ի սահմաններում դուրս է եկել տնից և չի վերադարձել։
«Նանար Մուրադյանի գտնվելու վայրի վերաբերյալ տեղեկություն ունեցողներին խնդրում ենք դիմել ոստիկանության Կոտայքի կամ մոտակա բաժին, զանգահարել 1–02 հեռախոսահամարով», – նշվում է հաղորդագրության մեջ։–0–