ԵՐԵՎԱՆ, 23 նոյեմբերի. /Նովոստի-Արմենիա/. Քննիչները ստուգել են Boeing 737–ը, որը Մոսկվայի «Շերեմետևո» օդանավակայանում մահացու հարված է հասցրել ՀՀ քաղաքացուն:
«Գիշերն ինքնաթիռը ժամանել է Հունաստանից Մոսկվա և ստուգվել է քննիչների կողմից», - ասել է իրավապահ մարմիններում ՏԱՍՍ-ի աղբյուրը: Նա նշել է նաև, որ ինքնաթիռի օդաչուները կհարցաքննվեն որպես վկաներ այն քրեական գործի շրջանակում, որը հարուցվել է թռիչքների կազմակերպան անվտանգության կանոնների խախտման փաստով:
Загружается новость ... "Лево"
Հիշեցնենք, որ նոյեմբերի 20–ին Մոսկվայի «Շերեմետևո» օդանավակայանի թռիչքուղում հայտնաբերվել է ՀՀ քաղաքացի Ալբերտ Եփրեմյանի դին, ով արտաքսվել էր Իսպանիայից և Մադրիդից Մոսկվայով վերադառնում էր Հայաստան։ Ըստ նախնական տեղեկությունների, նա փախել է դեպի Երևան չվերթն իրականացնող օդանավին մոտեցող ավտոբուսից։ Մոսկվա–Աթենք չվերթի անձնակազմն օդ բարձրանալուց հետո կարգավարներին հայտնել է, որ օդ բարձրանալիս թռիչքուղու վրա ինչ–որ բանի հետ է բախվել, հնարավոր է` կենդանու։ Որոշում է կայացվել չվերադարձնել օդանավը, քանի որ, ըստ օդանավի համակարգերի, վնասվածքներ չեն հայտնաբերվել։ -0-