ԵՐԵՎԱՆ, 18 սեպտեմբերի./Նովոստի–Արմենիա/. Նախօրեին՝ սեպտեմբերի 17-ին, ավտովթար է տեղի ունեցել Երևանում:
Shamshyan.com–ի հաղորդմամբ, ժամը 21:50-ի սահմաններում Երևանի բնակիչ 25-ամյա Գրիգոր Ուստիյանն իր վարած ՎԱԶ 2121 մակնիշի ավտոմեքենայով Թումանյան փողոցում՝ «Լա Գալլերիա» հագուստի խանութի դիմաց, բախվել է ճանապարհի թույլատրելի հատվածում կայանված` Երևանի բնակիչ 51-ամյա Գրիգոր Աղախանյանին պատկանող Range Rover մակնիշի ավտոմեքենային:
Կայքի հաղորդմամբ, ըստ նախնական տեղեկությունների, վթարի հետևանքով տուժածներ չկան։ Range Rover-ն էլ, առաջ ընթանալով, բախվել է ճանապարհի թույլատրելի հատվածում կայանված BMW մակնիշի ավտոմեքենային:Աղբյուրի տեղեկություններով, Niva–ի վարորդը տեղում ենթարկվել է սթափության
փորձաքննության: Պարզվել է, որ նա ավտոմեքենան վարել է սթափ:
Նշվում է, որ Range Rover-ը պատկանում է հայտնի երգիչ և հաղորդավար Գրիգոր Աղախանյանին:–0–