ԵՐԵՎԱՆ, 9 օգոստոսի. /Նովոստի–Արմենիա/. Նախօրեին կրակոցներ են հնչել Երևանում։ ՀՀ ոստիկանության մամուլի հաղորդագրության համաձայն, օգոստոսի 8-ին ոստիկանության Քանաքեռ-Զեյթունի բաժնում հաղորդում էր ստացվել, որ ժամը 1.10-ին Վ. Վահյան փողոցի տներից մեկի բնակիչ Ա. Դ.-ն իր տան պատուհանից ատրճանակից կրակոցներ է արձակել:
Загружается новость ...
"Право"
Ըստ նախնական տեղեկությունների՝ օգոստոսի 8-ին, ժամը 1-ից մինչև ժամը 1.30-ն ընկած ժամանակահատվածում Աշոտ Դ.-ն իր տան 2-րդ հարկի պատուհանից վիճաբանել է իրեն անծանոթ անձանց հետ, որի ընթացքում ատրճանակից օդ է կրակել:
Ա. Դ.-ն ներկայացվել է ոստիկանություն և ներկայացրել ատրճանակը:
Նշանակվել են փորձաքննություններ: Կատարվում է քննություն:
Shamshyan.com-ի հաղորդմամբ դեպքի վայրում ոստիկանները հայտնաբերել են 9 մմ տրամաչափի 13 հատ պարկուճ և 1 հատ գնդակ։
Կրակոցների հետևանքով էլ վնասվել է Հ. Ներսիսյան փողոցի թիվ 14/1 շենքի հարևանությամբ կայանված նույն շենքի բնակիչ՝ 69-ամյա Հակոբ Օսիկյանին պատկանող BMW մակնիշի ավտոմեքենաի անվադողը։
Ա. Դանիելյանը բնակության վայրից չբացակայելու պայմանով ստորագրությամբ ազատ է արձակվել։ -0-