Երևանում 37–ամյա կին դասախոսի ինքնասպանության փորձ է կանխվել, նա խոսել է պատճառների մասին

ԵՐԵՎԱՆ, 5 ապրիլի. /Նովոստի–Արմենիա/. Երևանում ոստիկանները կանխել են 37–ամյա կին դասախոսի ինքնասպանության փորձը։

Shamshyan.com–ի հաղորդմամբ, ապրիլի 3-ին ոստիկանության Երևան քաղաքի վարչության պարեկապահակային ծառայության գնդի 3-րդ վաշտի ծառայողները, Դավիթաշեն կամրջի վրա ծառայություն կատարելիս, կարողացել են կանխել քաղաքացու ինքնասպանության փորձը։

Ժամը 19:30-ի սահմաններում ՊՊԾ գնդի ոստիկաններին են մոտեցել 2 քաղաքացի և հայտնել, որ մի կին անցել է Դավիթաշենի կամրջի վտանգավոր եզրագիծը և սպառնում է ինքնասպան լիել:

Ոստիկանները օպերատիվորեն արձագանքել են քաղաքացիներին և կարողացել են կամրջի վտանգավոր եզրագծում հայտնված այդ կնոջը համոզել, որպեսզի նա չդիմի ծայրահեղ քայլի։ Այնուհետև կինը տեղափոխվել է Մաշտոցի բաժին, որտեղ էլ փաստի առթիվ հետաքննչական բաժանմունքում նյութեր են նախապատրաստվում։

Կայքի տեղեկություններով՝ ինքնասպանության փորձ կատարողը Երևանի բնակիչ 37-ամյա Օ. Ա.-ն է, ով աշխատում է Երևանի բուհերից մեկում՝ որպես դասախոս: Նա պատճառաբանել է, որ այդ քայլին դիմել է, քանի որ եղել է խմիչքի ազդեցության տակ և չգիտակցելով իր քայլերը` փորձել է կամրջից ցած նետվելու միջոցով ինքնասպան լինել:–0–