Ինդոնեզիայում ուղևորատար Boeing–ի կործանման որոշ մանրամասներ են հայտնի դարձել (ՎԻԴԵՈ)

ԵՐԵՎԱՆ, 29 հոկտեմբերի. /Նովոստի–Արմենիա/. Ինդոնեզիայում ուղևորատար օդանավի կործանման որոշ մանրամասներ են հայտնի դարձել։

Lion Air ավիաընկերության Boeing 737-800 ուղևորատար օդանավն անհետացել է ռադարների էկրաններից օդ բարձրանալուց 13 րոպե անց։ Նա կատարում էր Ջակարտա–Պանկալպինանգ չվերթը։ Ճշտված տվյալներով, օդանավում եղել է 185 մարդ։

Lenta.ru-ի հաղորդմամբ, Boeing–ի անձնակազմը կործանումից առաջ նշել է, որ ցանկանում է վերադառնալ Ջակարտայի օդանավակայան։ Այս մասին հաղորդում է Սինխուա գործակալությունը` հղում անելով Ինդոնեզիայի տրանսպորտի նախարարության ներկայացուցիչ Բամբանգ Էրվանին։

Lion Air ավիաընկերությունից նշել են, որ կործանված ինքնաթիռը շահագործվում էր օգոստոսից և պիտանի էր թռիչքներ իրականացնելուն։ Օդանավի երկու օդաչուներն ընդհանուր առմամբ կատարել են 11 հազար ժամ թռիչք։

Ավիաընկերությունը նաև նշել է, որ կործանված օդանավում եղել է 181 մարդ և անձնակազմի 4 անդամ։

Այժմ իրականացվում են որոնողափրկարարական գործողություններ, հայտնաբերվել են ինքնաթիռի բեկորներն ու ուղևորների անձնական իրերը։ Ինդոնեզիայի տրանսպորտի անվտանգության ազգային կոմիտեի ղեկավարի խոսքով, ինքնաթիռի բեկորները գտնվում են 30–40 մետր խորության վրա, ջրասուզակները պատրաստվում են սուզման–0–

Lion Air #JT610pic.twitter.com/QY0hgYarSH

— Dion Yuliarto (@DionYuliar) October 29, 2018