ԵՐԵՎԱՆ, 2 մարտի. /Նովոստի–Արմենիա/. Նախընտրական վիճակն արդեն դուրս է գալիս վերահսկողությունից։
Ինչպես գրում է «Ժողովուրդը», կրկին Արարատի մարզում և կրկին ՀՀԿ–ական թեկնածու Մուրադ Մուրադյանի կողմնակիցների մասնակցությամբ նախօրեին հերթական միջադեպն է գրանցվել։
Այս անգամ դեպքը տեղի է ունեցել Սայաթ–Նովա գյուղում։ Մուրադյանի կողմնակիցներից Արթուր Հայրապետյանը նախօրեին վիճաբանել է իր համագյուղացու` «Ծառուկյան» դաշինքի աջակից Աբրահամ Ադամյանի հետ։
«Երեք նրանք կրկին հանդիպել են` խոսելու համար, բայց խոսակցությունն ավարտվել է դանակահարությամբ։ ՀՀԿ–ականը դանակի բազմաթիվ հարվածներ է հասցրել «Ծառուկյան» դաշինքի կողմնակցին», – նշում են հոդվածի հեղինակներն ու ավելացնում, որ Ադամյանին երեք ծանր վնասվածքներով հասցրել են Երևան, որտեղ և վիրահատել են։
Հրատարակությունը նաև նկատում է, որ սա արդեն նախընտրական չորրորդ միջադեպն է, և բոլոր միջադեպերի կիզակետում ՀՀԿ–ի ներկայացուցիչներն են։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
