Արագած գյուղում 2 տարեկան երեխա էր կորել. ոստիկաններն առվակի մեջ հայտնաբերել են փոքրիկի դին

ԵՐԵՎԱՆ, 9 հուլիսի./Նովոստի–Արմենիա/. Նախօրեին` հուլիսի 8–ի երեկոյան ԱԻՆ–ը հաղորդություն էր տարածել, որ Արագած գյուղում 2 տարեկան երեխա է կորել։

ԱԻՆ Փրկարար ծառայության հաղորդմամբ,  ժամը 20:23-ին «911» ծառայությանը տեղեկություն է հաղորդվել, որ Արագածոտնի մարզի Արագած գյուղում երեխան (2 տարեկան) կորել է, անհրաժեշտ է փրկարարների օգնությունը։

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

«Մինչ փրկարարների` կանչի վայր հասնելը ոստիկանները և քաղաքացիները առվակի մեջ հայտնաբերել և դուրս են բերել են Ն. Կ.-ի (2016 թ.) դին», – նշվում է հաղորդագրության մեջ։–0–