ԵՐԵՎԱՆ, 21 մայիսի./Նովոստի–Արմենիա/. Այսօր՝ մայիսի 21-ին, արտակարգ դեպք է տեղի ունեցել Արմավիրի մարզում։
Shamshyan.com–ի հաղորդմամբ, ժամը 07։ 25-ի սահմաններում Արտակարգ իրավիճակների նախարարության Փրկարար ծառայության 9-1 օպերատիվ կառավարման կենտրոն ահազանգ է ստացվել, որ հրդեհ է բռնկվել Էջմիածին քաղաքի Իսսի-լե-Մուլինո փողոցի թիվ 3 հասցեի դիմաց կայանված Range Rover մակնիշի ավտոմեքենայում:
Հրշեջ-փրկարարները մարել են ավտոմեքենայում առաջացած հրդեհը, սակայն այն ամբողջովին դարձել է ոչ շահագործելի։
Կայքի տեղեկություներով՝ պարզվել է, որ ավտոմեքենան, որը կայանված է եղել Սուրբ Գայանե եկեղեցու դիմաց, հրկիզել է ավտոմեքենայի տերը՝ Էջմիածին քաղաքի Մ. Մաշտոցի փողոցի բնակիչ, 30-ամյա Անդրանիկ Ալեքսանյանը։
Փաստի առթիվ նախապատրաստված նյութերը ուղարկվել են ԱԻՆ ՓԾ Արմավիրի մարզի հրդեհային և տեխնիկական անվտանգության հետաքննության վարչություն։–0–
