Ռուսաստանի մայրաքաղաքում հրաժեշտ տվեցին Արմեն Ջիգարխանյանին (ՎԻԴԵՈ)
![Ռուսաստանի մայրաքաղաքում հրաժեշտ տվեցին Արմեն Ջիգարխանյանին (ՎԻԴԵՈ) Ռուսաստանի մայրաքաղաքում հրաժեշտ տվեցին Արմեն Ջիգարխանյանին (ՎԻԴԵՈ)](/upload/iblock/c60/2sxnj4an9063003vgc82wlzyd9mslucl.jpg)
ԵՐԵՎԱՆ, 17 նոյեմբերի․ /Նովոստի-Արմենիա/․ Մոսկվայի դրամատիկական թատրոնում ավարտվեց նոյեմբերի 14-ին 85 տարեկան հասակում մահացած ԽՍՀՄ ժողովրդական արտիստ Արմեն Ջիգարխանյանի հոգեհանգստի արարողությունը, հաղորդում է ՏԱՍՍ-ը: Արարողությունը տևել է ավելի քան երկու ժամ, ավելի քան հարյուր մարդ եկել էր դերասանին հրաժեշտ տալու:
Արարողությանը ներկա են եղել ԽՍՀՄ ժողովրդական արտիստ Իննա Չուրիկովան, ՌԴ ժողովրդական արտիստ Ալեքսանդր Պաշուտինը, ՌԴ վաստակավոր արտիստ Վլադիմիր Կոնկինը, Ռուսաստանում ՀՀ դեսպան Վարդան Տողանյանը, Մոսկվայի քաղաքային դումայի մշակույթի և զանգվածային հաղորդակցության հանձնաժողովի նախագահ Եվգենի Գերասիմովը, Մոսկվայի մշակույթի վարչության պետ Ալեքսանդր Կիբովսկին և այլ գործիչներ:
«Ես ինքս ականատես եմ, թե ինչպես էին մարդիկ գալիս այս թատրոն պարզապես Ջիգարխանյանին տեսնելու համար: Բավական էր, որ նա ներկա լիներ դահլիճում: Ոչ բոլորին, նույնիսկ ամենահայտնի արվեստագետին է տրված լեգենդ դառնալու իր կենդանության օրոք», - շեշտել է Կիբովսկին:-0-