20 տարի անց. Հարի Փոթերը վերադառնում է

ԵՐԵՎԱՆ, 8 հունվարի. /Նովոստի-Արմենիա/. Warner Bros ընկերությունը սկսել է հրաշագործ Հարի Փոթերի և նրա ընտանիքի մասին պատմության շարունակության նկարահանումները, այս մասին հայտնում է We Got This Covered կայքը:

Հրատարակչության տեղեկությամբ նոր ֆիլմի գործողությունները տեղի են ունենալու «Հարի Փոթերը և մահվան պարգևները» (պատմության վերջին` յոթերորդ մասը) գրքում տեղի ունեցած դեպքերից 20 տարի անց:

Նոր ֆիլմի գլխավոր կերպարներից մեկը Վոլան-դե-Մորտի դուստրը կլինի: Ըստ սյուժեի նա կփորձի վերակենդանացնել իր չարագործ հորը: Ինչպես նաև ֆիլմում կլինի նախորդ սերիաներում խաղացած դերասանական կազմի մեծ մասը:

Ավելի վաղ հայտնի էր դարձել, որ Հարի Փոթերի մասին ֆիլմերից հետո լինելու է հայտնի հրաշագործի որդու` Ալբուս Սևերուսի մասին բազմասերիանոց ֆիլմ:-0-