Մուլտիպլիկատորներ Դավիթ և Հայկ Սահակյանցները տեսահոլովակ են նկարահանել Սոսո Պավլիաշվիլիի համար (ՎԻԴԵՈ 18+)
20:57
12 Փետրվարի 2019
ԵՐԵՎԱՆ, 12 փետրվարի./Նովոստի–Արմենիա/. Ռուսական էստրադայի աստղ Սոսո Պավլիաշվիլին թողարկել է մուլտիպլիկացիոն տեսահոլովակ «Քեզ համար» նոր երգի համար, հաղորդում է eg.ru–ն։
Տեսահոլովակի նկարիչներն են Դավիթ և Հայկ Սահակյանցները, ովքեր խորհրդային և հայ ռեժիսոր, սցենարիստ և մուլտիպլիկատոր Ռոբերտ Սահակյանցի որդիներն են։
Հայաստանից նկարահանված հատուկ թողարկման ժամանակ, լինելով Comedy Club–ի հյուրերը, Սահակյանց եղբայրները ներկայացրեցին կարճամետրաժ ծաղրական մուլտֆիլմ Պավել Վոլյայի սթենդափի մասին։ Պավլիաշվիլին, ոգեշնչվելով դրանից, կապվեց իր ընկեր Գարիկ Մարտիրոսյանի հետ, ով ծանոթացրեց նրան մուլտիպլիկատոր եղբայրների հետ։
Երգն ու տեսահոլովակը շատ դինամիկ ու բարի են։ Ինչպես իր բազմաթիվ ստեղծագործությունները, այս մեկը ևս հեղինակը նվիրել է կանանց և նրանց բարձր տրամադրությանը։
«Թանկագին կանայք, աղջիկներ, մենք ապրել, ապրում և ապրելու ենք հանուն նրա, որ դուք ձեզ երջանիկ զգաք։ Դա մեր գլխավոր կոչումն է», – նշում է Սոսոն։–0–
Հայտնի հայ ջութակահար Զարեհ Սահակյանցի դուստր Սաթի Սպիվակովան, ով մեծանուն ջութակահար ու դիրիժոր, մաեստրո Վլադիմիր Սպիվակովի կինն է, նշել է, որ Երևանում կայանալիք հյուրախաղերն առանձնահատուկ են իր համար
Հայաստանում մոսկովյան առաջատար «Ազգերի թատրոնի» անդրանիկ հյուրախաղերը կդառնան Կանանց միամսյակի գեղեցիկ ամփոփում: Թատրոնը երևանյան հանդիսատեսին կներկայացնի «Դեղձանիկը»․ ՖՈՏՈ
