Ջազի և ֆոլկի միահյուսումը Տիգրան Համասյանի նոր տեսահոլովակում (ՏԵՍԱՆՅՈՒԹ)

ԵՐԵՎԱՆ, 27 փետրվարի. /Նովոստի–Արմենիա/. Անվանի հայ դաշնակահար և կոմպոզիտոր Տիգրան Համասյանն ԱՄՆ–ում ներկայացրել է «The Cave of Rebirth» («Վերածնման քարանձավ») իր նոր տեսահոլովակը։

«Որպես դաշնակահար և կոմպոզիտոր` Համասյանը ոգեշնչում է ստանում ջազից, բանահյուսությունից և դասական երաժշտությունից։ Այդ սինթեզը լավ արտացոլված է նրա նոր տեսահոլովակում»,– հայտնում է WBGO ռադիոկայանն (Նյու Յորք) իր կայքում։

Օրեր առաջ ԱՄՆ–ում կայացել է «Վերածնման քարանձավ» տեսահոլովակի պրեմիերան «An Ancient Observer» («Հնագույն դիտորդը») ալբոմից, որը լույս կտեսնի 2017 թվականի մարտին։ Տեսահոլովակը բարձր գնահատականի է արժանացել։ Ռեժիսորը Ռուբեն վան Լեերն է, 3D-էֆեկտների հեղինակը` Հուլիուս Հորստիուսը։

Համասյանը ծնվել է Հայաստանում և այժմ կրկին բնակվում է հայրենիքում Լոս Անջելեսում երկար տարիների բնակությունից հետո։ Վաղ մանկությունից դրսևորել է երաժշտական բացառիկ ունակություններ` 11 տարեկանում հաղթելով Montreux Jazz Piano Solo մրցույթում։ 19 տարեկանում Համասյանը դարձել է International Jazz Trumpet Competition միջազգային հեղինակավոր ջազ մրցույթի հաղթող։ -0-