ԵՐԵՎԱՆ, 2 դեկտեմբերի. /Նովոստի–Արմենիա/. Սանկտ–Պետերբուրգի Կրոնի պետական թանգարանում հինգշաբթի կբացվի քրիստոնեական եկեղեցիների ամենակարևոր ժամերգությանը` պատարագին նվիրված ցուցահանդես։ «Պատարագի աշխարհ» ցուցադրությունը կներկայացնի մոտ 200 բացառիկ ցուցանմուշներ և կդառնա պատարագի եկեղեցական խորհրդի յուրօրինակ «հանրագիտարահն», հայտնում է թանգարանի մամուլի ծառայությունը։
Ցուցանմուշների թվում են` ժամերգության գրքեր, քրիստոնեական տարբեր ուղղությունների հոգևորականության հանդերձներ, սրբապատկերներ, տաճարի սպասք և այլն։ Իրերը պատկանում են քրիստոնեության տարբեր դարերի` սկսած Եթովպիայի և Հայաստանի առաջին տաճարներից մինչև ժամանակակից ուղղափառ, կաթոլիկ և բողոքական տաճարներ։ Հատուկ տեղ կզբաղեցնեն ավետարանիչների պատկերներով ապակենախշերը և հատուկ վերականգնված մեծ կտավներ։ Ընդգծվում է, որ իրերից շատերը կցուցադրվեն առաջին անգամ, հաղորդում է ՌԻԱ Նովոստին։
«Պատարագը (հուն. — λειτουργία — «ծառայություն», «ընդհանուր գործ») տաճարում կատարվող ամեն ինչի բարձրակետն է։ Պատարագի նախատիպն Ավետարանում նկարագրված Տերունական ընթրիքն է։ Այդ իրադարձության հիշատակումը պատարագի հիմքն է։ Ցուցադրությունում կներկայացվեն երեք մեծ բաժիններ` ուղղափառ պատարագ, հռոմեական–կաթոլիկ և բողոքական։ Դրանցից յուրաքանչյուրը կպատմի պատարագի այս կամ այն բաղադրիչի նշանակության մասին` հոգևորականի դերի, պատարագի ուղղափառ նշանակության, կաթոլիկ սկզբնական և եզրափակիչ ծեսերի, տաճարի` պատարագն ընդգրկող տարածքի մասին»,– ասվում է հաղորդագրությունում։ -0-
