Մալխասն ու Վահան Արծրունին ելույթ կունենա հայտնի բանաստեղծուհի և հրապարակախոս Նելլի Սահակյանի ստեղծագործական երեկոյի ընթացքում

ԵՐԵՎԱՆ, 26 նոյեմբերի. /Նովոստի–Արմենիա/. Հայտնի հայ ջազմեն Լևոն Մալխասյանը (Մալխաս) և հայտնի ռոք–երաժիշտ, բանաստեղծ, երգիչ և կոմպոզիտոր Վահան Արծրունին հինգշաբթի ելույթ կունենան բանաստեղծուհի, արձակագիր, Յուրի Դոլգորուկիի անվան մրցանակի դափնեկիր Նելլի Սահակյանի ստեղծագործական երեկոյի ընթացքում։

Միջոցառման ընթացքում, որը տեղի կունենա Երևանի «Մոսկվայի տուն» մշակութա–գործարար կենտրոնում, տեղի կունենա Սահակյանի երկու գրքերի` «Ոգու բոցավառում» ինքնակենսագրական վիպակի և «Էլիտարնայա գազետա» ստեղծագործությունների շնորհանդեսը։ «Էլիտար թերթում» հավաքված են թերթի 18 տարվա գոյության ընթացքում հրապարակված լավագույն նյութերը

«Հանդիպմանը ներկա կլինի ՀՀ մշակույթի նախարար Հասմիկ Պողոսյանը, որի աջակցությամբ «Ոգու բոցավառում» գիրքը հրատարակվել է 2013 թ.–ի վերջին», – «Նովոստի–Արմենիա» գործակալությանը տեղեկացրեցին Մոսկվայի տան մամուլի ծառայությունից։

«Էլիտարնայա գազետա» գրքում, որը հրատարակվել է ՀՀ առաջին տիկին Ռիտա Սարգսյանի աջակցությամբ, հավաքված են թերթի` մշակույթի մասին հայ մտավորականության լավագույն նյութերը։
Գիրքը լույս է տեսել «Լիտերա» հրատարակությունում 2013 թ.–ի վերջին «Լիտերատուրնայա Արմենիա» ամսագրի շնորհիվ, որն իրականացրել է գրքի հրատարակության գործը։ «Ակնկալվում է, որ Հայաստանի առաջին տիկինը ևս կմասնակցի երեկոյին», – նշվում է հաղորդագրության մեջ։

Թերթի գոյության 18 տարվա ընթացքում թերթի գլխավոր խմբագիր Նելլի Սահակյանին հաջողվել է հրապարակել բազմաթիվ լուրջ, էական թեմաների անդրադարձող նյութեր։ Որպեսզի այդ բոլոր նյութերը չկորեն, որոշում ընդունվեց ավարտել թերթի թողարկումը` մի գրքում հավաքելով լավագույն նյութերը, քանզի գիրքն ավելի երկար կյանք ունի, քան պարբերականը։

Գիրքը բաղկացած է երկու մասից։ Առաջին մասում հրապարակված են լավագույն հեղինակների հոդվածները, էսսեներն ու բանաստեղծությունները, երկրորդ մասում` խմբագիր Նելլի Սահակյանի էսսեները, որոնք նա գրում էր յուրաքանչյուր համարում։

Ստեղծագործական երեկոն կսկսվի ժամը 19։00–ին։–0–