Ապրիլի 22–ին Մոսկվայի տանը հոգևոր երաժշտության համերգ կանցկացվի
![Ապրիլի 22–ին Մոսկվայի տանը հոգևոր երաժշտության համերգ կանցկացվի Ապրիլի 22–ին Մոսկվայի տանը հոգևոր երաժշտության համերգ կանցկացվի](/upload/iblock/a73/omtx8xg6kt7jf6ddx9xzuo61dz2ko7hz.jpg)
ԵՐԵՎԱՆ, 17 ապրիլի. /Նովոստի–Արմենիա/. Ապրիլի 22–ին Մոսկվայի տանը հոգևոր երաժշտության համերգ կանցկացվի, որը նվիրված կլինի Զատկի տոնին, «Նովոստի–Արմենիա» գործակալությանը հայտնեց կենտրոնի PR-ծառայության ղեկավար Արմինե Ղազարյանը։
Երեկոյի ընթացքում Մոսկվայի տան բեմում ելույթ կունենան «Հովեր» պետական կամերային երգչախումբը` Սոնա Հովհաննիսյանի գլխավորությամբ, ինչպես նաև Երևանի Գրիգոր Լուսավորիչ եկեղեցու «Հավատամք» երգչախումբը` Րաֆֆի Միքայելյանի գլխավորությամբ։
«Հայկական երգչախմբային կոլեկտիվները համերգի շրջանակում կներկայացնեն հայ, ռուս և օտարերկրացի կոմպոզիտորների ստեղծագործություններ։ Համերգի ավարտին բոլոր հյուրերին սպասում է Զատկի տոնական հյուրասիրություն»,– ասաց նա։
Համերգի սկիզբն է 15։00–ն։ Մուտքն ազատ է։
Այս տարի Հարության տոնը Հայաստանում կնշվի ապրիլի 20–ին։ -0-