Այվազովսկու բացառիկ կտավն առաջին անգամ հանվել է մեծ աճուրդի

Հովհաննես Այվազովսկու՝ նորվեգական մասնավոր հավաքածուի «Մեծ Լավայի մայրամուտը» կտավը, որը նախկինում չի հայտնվել համաշխարհային արտ-շուկայում, կդրվի Շվեդիայի Stockholms Auktionsverk հնագույն աճուրդային տան աճուրդում, ՌԻԱ Նովոստիին է պատմել աճուրդի տան փորձագետ Իվան Սամարինը:

«Սա Այվազովսկու՝ վերջին ժամանակներում շուկայում հայտնված լավագույն կտավներից է»,- պարզաբանել է Սամարինը՝ ավելացնելով, որ կտավն ավելի քան կես դար եղել է նորվեգական մի գյուղում՝ մասնավոր հավաքածուում: 
 
Շվեդիայի Stockholms Auktionsverk հնագույն աճուրդը, որը հիմնվել է 1674 թվականին, 2004 թվականից 2009 թվականը տարեկան երկու անգամ ռուսական արվեստի առանձին աճուրդներ է անցկացրել: Այս կտավն ընդգրկվել է դեկտեմբերի 7-ին կայանալիք արվեստի գործերի և հնաոճ իրերի ընդհանուր աճուրդի ցուցակում:
Սամարինի խոսքով, կտավը թվագրվում է Այվազովսկու համար կարևոր նշանակություն ունեցող 1846 թվականով: -0-