ՌԽՖՍՀ ժողովրդական արտիստ Վալենտին Գաֆտը, ով երկուշաբթի հոսպիտալացվել է Մոսկվայի Սկլիֆասովսկու անվան շտապօգնության գիտահետազոտական ինստիտուտ, ծանր վիճակում է, երեքշաբթի ՌԻԱ Նովոստիին են հաղորդել բժշկական հաստատության տեղեկատուից:
«Երեկոյան նրա մարմնի ջերմությունը 36,5 աստիճան է եղել, առավոտյան՝ 36,9: Վիճակը ծանր է»,- ասել է գործակալության զրուցակիցը:
Գաֆտը գտնվում է սրտաբանության բաժանմունքում, ավելացրել են Սկլիֆասովսկու ինստիտուտից:
Ավելի վաղ «Սովրեմեննիկ» թատրոնում, որտեղ խաղում է արտիստը, հայտնել են, որ «Գաֆտի երազը, որ վերապատմել է Վիկտյուկը» հետաձգվել է: Վալենտին Գաֆտը հիվանդանոցում է, բայց, ըստ բժիշկների, նրա կյանքին որևէ վտանգ չի սպառնում:
Հանրահայտ դերասան Վալենտին Գաֆտը ծնվել է 1935 թվականի սեպտեմբերի 2-ին Մոսկվայում, ավարտել է Մոսկվայի գեղարվեստական ակադեմիական թատրոնի դպրոց-ստուդիան: Դերասանն ավելի քան հարյուր դեր է խաղացել կինոյում և տասնյակ դերեր՝ թատրոնում:--0-
