Հայաստանը թանգարանների նոր շենքերի կարիք ունի. նախարար
Տարածքների պակասության խնդրի կապակցությամբ թանգարանները նոր շենքերի կարիք ունեն, ուրբաթ մամուլի ասուլիսի ժամանակ ասաց ՀՀ մշակույթի նախարար Հասմիկ Պողոսյանը:
«Մեր արխիվները մշտապես համալրվում են նոր բացառիկ ցուցանմուշներով, որոնք մեզ են նվիրում անհատներ և որոնք ստանում ենք հնագիտական պեղումների արդյունքում, սակայն մենք սրահներ չունենք այդ նմուշները ներկայացնելու համար», - ասաց Պողոսյանը:
Նրա խոսքով՝ այս խնդիրը դրված է պետական մակարդակի վրա, և իշխանություններն արդեն հայտարարել են նոր տարածքների կառուցման անհրաժեշտության մասին:
Ինչպես կարծում է Պողոսյանը, ևս մեկ խնդիր է թանգարանների մենեջմենտը, Եվրոպական թանգարանների հետ նրանց համագործակցությունն ու փոխադարձ կապերի հաստատումը:
«Եվրոպական թանգարանների հետ կապերը թարմություն կհաղորդեն մեր գործունությանը և թույլ կտան եվրոպացի փորձագետներին ավելի լիարժեք գնահատել մեր ցուցանմուշները», - ասաց նա:
«Այսօր համաշխարհային հանրությունը մեծ հետաքրքրություն է ցուցաբերում մեր պատմության և մշակույթի նկատմամբ», - ավելացրեց Պողոսյանը:-0-
